هديـــر الصمـــت

Admin عدد الرسائل : 24 تاريخ التسجيل : 24/04/2008

على حد السكوت الي جرح خد الكـلام وذاب

وقفـت اودع البسمـه ابقتلهـا علـى شفاتـي

سعيـت ادور الفرحـه وادور للهنـا اسبـاب

تعبت وتاهت ادروب السعاده فـي مساحاتـي

طويت الحزن بيدينـي وفصلتـه علـي ثيـاب

تقول ان الحزن فيني شقا مخلـوق فـي ذاتي

عشقت الليل لاطبق علـى عيـن النهار اهـداب

وغنت بـه نجومـاً فـي سمـاه تردد آهاتـي

قصيد من الأسى سطر على لوح الزمان كتـاب

حروفـاً حبرهـا دم الوريد وسيـل دمعـاتـي

على غدر الزمان الي وقف مع صدمة الأصحاب

خساره كـل ماسامـح خطـاك تزيد صدماتـي

الاياحظي المقفـي تراعنـدي عليـك اعتـاب

قبل لا تبتعـد عنـي تعـال وشيـل شرهاتي

تصد بضحكتك عني واناالي ماحسبت احسـاب

عوافـي كانها هانـت عليـك اليـوم عبراتي

اشيلك هم في صدري ولا افتح للعـواذل بـاب

اشفر موجـة الونـة ولـو تكـبـر معانـاتـي

صحيح ان الغلا فاضح صحيح ان الهوى غلاب

ولكنـي امـوت ولايهـز الــذل رايـاتـي

تلوم الناس ماتدري واناالـي بالجفـا منصـاب

ادوس الجمره برجلـي وابيـن دوم ضحكاتـي

الاياهمن بصدري ترعـرع بالخفـوق وشـاب

مادام انك علـى قيـد الحيـاة اكتـب نهاياتـي

Admin عدد الرسائل : 76 1 : 1 تاريخ التسجيل : 24/04/2008

يعطيك الف عافيه على الطرح الرائع
تحياتي لكِ

كلمات جميله
ذكرتني بمواقف واشياء :)

يعطيك العافيه